Ina natira sauna e diversa è nossa basa da viver. Ella procura per aria frestga, l'impollinaziun e terrens fritgaivels. Ella garantescha uschia era noss nutriment. Ma la biodiversitad en Svizra è periclitada acutamain: passa in terz da las spezias d'animals e da plantas è en privel da svanir u gia extinct.
Che la biodiversitad è en la crisa, ha il Cussegl federal realisà . El ha suttamess al parlament ina cuntraproposta a l'iniziativa da la biodiversitad. Il Cussegl federal vegn sustegnì dal Cussegl naziunal. Er ils chantuns, las citads e las vischnancas han approvà ella. Ina pitschna maioritad da la cumissiun cumpetenta recumonda però al Cussegl dals chantuns da betg entrar en la discussiun da la biodiversitad en la crisa. E quai malgrà ch'il basegn d'agir è renconuschì e la cuntraproposta permetta da segirar svelt nossas basas da viver periclitadas.
Nus supplitgain il Cussegl dals chantuns dad entrar en la cuntraproposta. La biodiversitad è d'ina valur nunstimabla per nus, noss uffants e noss biadis. Sche nus vulain mantegnair nossas basas da viver, stuain nus agir uss.
Suttascriver ussa l'appel – grazia fitg per tes sustegn.
Cun il sustegn da las suandantas organisaziuns
Cundivider ussa!
Dapli umans che suttascrivan e pli ferm ch'è il signal. Gidas ti nus da derasar la campagna cun parter ella cun tia famiglia, tes amis, tias amias ed autras persunas che ti enconuschas?
